ᖃᒪᓂ’ᑐᐊᑉ ᑰᖓᑕ ᐆᒪᔪᓂᒃ ᐱᑕᖅᑕᐃᓕᕝᕕᒃ

ᖃᒪᓂ’ᑐᐊᑉ ᑰᖓᑕ ᐆᒪᔪᓂᒃ ᐱᑕᖅᑕᐃᓕᕝᕕᖓ 52,00 ᑭᓛᒥᑕᒥᒃ ᑕᑯᓂᓕᒃ, ᑭᒡᓕᖓᓃᖦᖢᓂ ᓄᓇᕗᑦ ᐊᒻᒪᓗ ᓄᓇᑦᑎᐊᑉ. ᐊᑯᓐᓂᖓᓃᑦᑐᖅ ᖃᒪᓂ’ᑐᐊᖅ ᐊᒻᒪᓗ ᔭᓗᓇᐃᕝ, ᐱᑕᖅᑕᐃᓕᕝᕕᒃ ᓴᖅᑭᑎᑕᐅᓚᐅᖅᑐᖅ 1927-ᒥ ᓄᖑᓗᐊᖅᑕᐃᓕᒪᖁᑉᓗᒋᑦ ᐅᒥᖕᒪᐃᑦ.

ᑕᐃᑉᓱᒪᓂ, ᐱᑕᖅᑕᐃᓕᕝᕕᒃ ᐃᓄᖕᓂᒃ ᓄᓇᒨᖅᑎᑦᑎᓚᐅᖅᑐᖅ ᐅᖓᓯᒃᑐᒥᓪᓘᓐᓃᑦ Bathurst Inlet-ᒥ, ᓴᓐᓂᖓᔪᓕᐅᑉ ᑰᖓ/Chantrey Inlet ᐊᒻᒪᓗ ᐊᑯᑦᑐᐊᕐᒥ. ᑲᑎᑦᑎᓪᓗᑎᒃ ᐱᒻᒪᕆᐅᑎᑕᐅᔪᒥ ᕿᔪᖕᒥ ᓯᒡᔭᓕᐊᕈᑕᐅᓯᒪᔪᑦ ᐱᕗᓕ ᓖᒃᒧᑦ ᖃᒪᓂ’ᑐᐊᑉ ᑰᖓᒍᑦ ᐊᒻᒪᓗ ᑐᓕᒫᓕᒡᔪᐊᒃᑯᑦ. ᐃᖏᕐᕋᓪᓗᑎᒃ ᕿᒧᒃᓯᒃᑯᑦ ᐅᑭᐅᒃᑯᑦ, ᑕᒪᒃᑯᐊ ᐃᖏᕐᕋᓂᐅᔪᑦ ᑲᑎᓐᓂᐅᕈᓘᔭᖃᑦᑕᓚᐅᖅᑐᒃᓴᐅᔪᑦ ᐃᓄᖕᓄᑦ ᐅᖓᓯᒃᑐᒥᙶᖅᑐᓂᒃ ᐊᒻᒪᓗ ᐊᔾᔨᒌᖏᑦᑑᑕᐅᔪᓂ ᓄᓇᕗᒥ ᐊᑭᓪᓕᓂᕐᒥ, ᑭᐴᑎᖃᑦᑕᕐᕕᐅᔪᖅ ᐅᑭᐅᖅᑕᖅᑑᑉ ᕿᑎᐊᓂ ᐊᒻᒪᓗ ᐱᕕᒃᓴᖃᖅᑎᑦᑎᓪᓗᓂ ᑭᐆᑎᖃᑦᑕᕐᓂᕐᒧᑦ ᐱᖁᑎᓂᒃ ᐊᒻᒪᓗ ᑐᓴᒐᒃᓴᓂᒃ.